Categories
სტატია

კორონა ვირუსი ჩინეთში VS კორონა ვირუსი საქართველოში

მოდით თავიდანვე შევთანხმდეთ იმაზე, რომ ადამიანების ქცევის გასაგებად მნიშვნელოვანია ვიცოდეთ მათი კულტურული თუ ქცევითი ნორმები -ეს დაგვეხმარება ავხსნათ თუ რატომ იქცევიან ისინი ისე როგორც იქცევიან, ამიტომაც

ამ ამბავს დავიწყებ იმ დღიდან როდესაც გავიგე კორონა ვირუსის შესახებ. უკვე ორ წელზე მეტია ქალაქ პეკინში ვცხოვრობდი. ყველაფერი განსაკუთრებით რიგზე იყო რადგან ახალი წლის შესახვედრად ვემზადებოდით. ერთ-ერთი ყველაზე საყვარელი დღესასწაული რომელიც სახლთან და ახლობელ ადამიანებთან კიდევ უფრო გაახლოვებს. პირადად ჩემთვის ეს ძალიან მნიშვნელოვანი იყო, რადგან ისეთ ქვეყანაში და ისეთ კულტურაში ვცხოვრობდი, სადაც ჩვენ ახალ წელს მხოლოდ კლუბებში აღნიშნავენ – სადაც ის ახალი წელი რომელიც ჩვენ ვიცით (ყოველ შემთხვევაში მე რომელიც ვიცი) კარგავს იმ განსაკუთრებულ სიფაქიზეს და სითბოს რომელიც მას საქართველოში აქვს და უფრო, კაი დროის ტარებაში გადადის. ჩინელი დიჯეები განსაკუთრებით ხმამაღლა უკრავენ თავიანთ სფეციფიკურ ტექნოს, რომელიც ზოგჯერ შეზავებულია დასავლურ მუსიკასთან, მაგრამ ეს მუსიკა აცდენაშია ახალი წლის სულთან და ერთი ჩვეულებრივი დღეა კლუბში – ზოგჯერ რუს მოცეკვავეებთან ერთად რომლებიც წესიერად აარასოდეს იხდიან.

ამბები კორონაზე ამ დროს ფონურად მახსოვს. დაახლოებით ასე „ჩინეთის რაღაც პროვინციაში, რაღაც ვირუსი აღმოაჩინეს და ბლა ბლა ბლა“. თუმცა,  ყოველდღიურად მატულობდა ეს ამბები და მეც ფონურად დღითი-დღე ცოტ-ცოტა ვიძაბებოდი.

შემდეგ მოხდა ისე, რომ ფონურობა გაქრა და დავრჩით რაღაც ვირუსის პირისპირ რომლისგანაც თავი უნდა დაგვეცვა. გაჩნდა სიმპტომების ჩამონათვალიც და საყოველთაო რეკომენდაციებიც თუ როგორ დაგვეცვა თავი. მშრალი ყელი, სიცხე, დაღლილობა… ისიც გავიგეთ შეხებით და ჰაერ-წვეთოვანი გზებით გადადისო. მაშინვე გამახსენდა ის ყველა დაცემინება რომელსაც მეტროში მგზავრობისას შევსწრებივარ. დავფიქრდი, იქნებ გადამედო ეს ვირუსი და არ ვიცითქო. ჩინური დაცემინება ეს ცალკე ამბავია. საქართველოში თუ ბევრი ადამიანი იკავებს ცემინებას საზოგადოებრივი თავშეყრის ადგილას, ან კიდევ ცემინებას ხელებით უკეთებს მარყუჟს, რომ ჩუმად დააცემინოს, ჩინეთში სხვანაირად ხდება. ცემინება ძალიან ხმამაღალი და მრავალჯერადია – ყოველგვარი ხელების მიშველების გარეშე (ეს უმეტეს და არა ყველა შემთხვევაში რა თქმა უნდა). ხშირად ვითვლიდი ზედმიწევნით ვინ რამდენჯერ აცემინებდა და საშუალო ხუთი დაცემინება გამომივიდა. ჩვენთან რაც დამითვლია ძირითადად 2 დაცემინება ზედმიწევნით. ჩინელებს ბავშვობიდანვე ასწავლიან, რომ ჯანმრთელობა ტოპ პირველი თუ არა, თოპ მეორე პრიორიტეტია ცხოვრებაში. მიუხედავად იმისა, რომ ჩინელებს მასიურად მოსწონთ სწრაფი კვების ობიექტები – განსაკუთრებით KFC და ტკბილი გაზირებული სასმელები, პეკინის ქუჩებში (და არამარტო პეკინის), მაინც წააწყდებით უამრავ ბავშვს თუ ზრდასრულს, რომლებსაც ყოველდღიურად დააქვთ თერმოსით ჩაი, ან ჩემთვის გაურკვეველი მცენარეების ნაყენი – რომელსაც რეგულარულად სვამენ.

რაც შეეხება კვებას, იქნება ეს საუზმე, სადილი თუ ვახშამი, ისინი მუდამ ცდილობენ საკვები იყოს სასარგებლო. როცა ვინმეს ვსტუმრობდი სახლში ან სადმე რესტორანში ვხვდებოდით ერთმანეთს, ყოველთვის მესმოდა ჩემი ჩინელი ბიზნეს პარტნიორისგან თუ სხვებისგან – ეს წვნიანი ძალიან კარგია კუჭისთვის, ეს ხორცი ძალიან კარგია ძვლებისთვის, ეს მიდია ძალიან კარგია სექსუალური პოტენციისთვის და ა.შ.

ჩინელები ჯანმრთელობაზე სხვა კუთხითაც ზრუნავენ. რომ გაისეირნოთ პეკინის ქუჩებში ან პარკებში, წააწყდებით ადამიანებს რომლებიც ვარჯიშობენ ცი გუნს და ტაი ჩის. წააწყდებით ძალიან ბევრ ასაკში შესულ ადამიანს რომლებსაც ფეხი აქვთ შემოდებული იმ სიმაღლეზე, რომ ბევრ ახალგაზრდას გაუჭირდება მსგავსის გაკეთება. ავტობუსში თუ მეტროშიც ნახავთ ხალხს რომლებიც მუშტებს მსუბუქად იბაკუნებენ მუცელზე, თეძოებთან, ღვიძლთან. ჯანმრთელობაზე ზრუნვა უამრავი ჩინელისთვის ყოველდღიურობაა – მიუხედავად იმისა, რომ ბევრი ეწევა სიგარეტს. 

რატომ გიყვებით ამყველაფერს – ჯანმრთელობაზე ზრუნვა და ჯანმრთელობის მნიშვნელობის გაცნობიერება იყო ერთ-ერთი მთავარი ამბავი რაც დაეხმარა ამხელა ქვეყნის ამხელა მოსახლეობას ემოქმედა ორგანიზებულად. შემოვიდა თუ არა რეკომნდაციები დისტანცირებაზე და სახლში ყოფნაზე, ხალხი ამას დაემორჩილა მასობრივად – თუმცა იყო რაღაც ერთეული შემთხვევებიც როდესაც ვიღაცეებმა სადღაც დაარღვიეს ვირუსთან დაკავშირებული რეგულაციები.

ჩემი ჩინელი ნაცნობები იქაურ სოციალურ ქსელში ხშირად მწერდნენ, რომ კარგად გავფრთხილებოდი ჯანმრთელობას, მესვა ბევრი სითხე, მიმეღო ჯანსაღი საკვები და ა.შ. ეს იყო მეორე რამ რამაც სხვანაირად აღმომაჩენინა ჩინელი ხალხი – პირველზე ქვემოთ გიამბობთ.

მოკლედ ჩვეულებრივი მოქალაქეები ერთმანეთთან მიმოწერაში თხოვდნენ ერთმანეთს კარგად გაფრთხილებოდნენ ჯანმრთელობას და სთხოვდნენ დაეცვათ დადგენილი რეგულაციები. მოქალაქეების პასუხისმგებლობა იყო ერთ-ერთი მთავარი ფაქტორი რამაც მნიშვნელოვნად იმოქმედა ვირუსთან წარმატბით ბრძოალში.

ამ დროს ვფიქრობდი, რომ ჩვენ ეს კულტურა არ გვაქვს საქართველოში. სინანულით არა სხვათაშორის – უბრალოდ გამიელვა თავში. ისიც ვიფიქრე, რომ შეიძლება ჯანმრთელობის მნიშვნელობაც არ გვაქვს კარგად გაცნობიერებული, რადგან იქ სადაც ესმით ჯანმრთელობის ფასი, ჯანმრთელობაზე ზრუნვა არის ყოველდღიურობის ნაწილი. დავფიქრდი, რამდენადაა ჯანმრთელობა ყოველდღიურობის ნაწილი ჩვენთან საქართველოში? ბოლოს დავასკვენი, რომ სავარჯიშო დარბაზების მკვეთრი მატება არ არის ამის დასტური. ყველაზე კარგად როგოც ვნახე ჯანმრთელობის დაფასება და მასზე ზრუნვა კრიზისულ სიტუაციაში ვლინდება. 

ამ კუთხით რომ შევადაროთ ჩინეთი და საქართველო, უნდა ვთქვათ, რომ ჩინეთში მასიური იყო საკუთარი და სხვების ჯანმრთელობაზე ზრუნვა. საქართველოში არც ისე მასიური, მაგრამ პირადი გამოცდილებით, სასიამოვნოდ გავოცებულვარ ჩვენი ორგანიზებულობითაც.

ახლა გიამბობთ პირველ გაოცებაზე რომელიც ზევით ვახსენე.

ეს იყო მთავრობის ორგანიზებულობა და ხალხის რეაქცია მთავრობის რეკომენდაციებზე. სუფთა მენეჯმენტური კუთხით ძალიან საინტერესო იყო. როდესაც დაიხურა ყველაფერი და გაიცა რეკომენდაცია რომ ხალხი უნდა მორიდებოდა გარეთ გასვლას, ეს ყველამ ძალიან სერიოზულად აღიქვა. პეკინში ცხოვრობს 22 მილიონი ადამიანი, ეს ოფიციალურად. ამას დავუმატოთ 3-4 ან კიდევ მეტი მილიონი რომლებიც არ არიან რეგისტრირებულები და ძალიან დიდ ციფრს მივიღებთ.

მე პეკინის ცენტრში ვცხოვრობდი-იქ, სადაც სიცოცხლე დუღდა და მოხდა ისე, რომ ერთი თვის მანძილზე ვუყურებდი დაცარიელებულ ქუჩებს, სადაც დღის მანძილზე თითზე ჩამოსათვლელად თუ ნახავდი ვინმეს.

ჩინელების მთავრობისთვის დაჯერებას თავის წარსული აქვს და ეს უკავშირდება მაოს, რომლის დროსაც განსაკუთრებით მწარედ ასწავლეს ჩინელებს ავტორიტეტების მორჩილება. ეს უკავშირდება იმპერატორების ეპოქებსაც რა დროსაც ხალხი საუკუნეების მანძილზე სწავლობდა იმას, რომ უნდა დაემორჩილო ავტორიტეტებს. დიახ ჩინეთი არის ავტორიტარული ქვეყანა და ჩემი მოკრძალებული აზრით ამან დიდი როლი ითამაშა ვირუსის მართვაში.

ხალხი სახლში დაჯდა. ჩაიკეტა საცხოვრებელი სახლების ეზოები სადაც უცხოს არავის უშვებდნენ და შენც საშვით გიწევდა შესვლა საკუთარ სახლში. თითოეულ ეზოს გამოეყო მენეჯერი რომელიც არეგულირებდა, რომ არავინ შესულიყო საცხოვრებელ კომპლექსში სიცხიანი, ან კიდევ ის, ვინც იქ არ ცხოვრობდა. ოჯახის წევრებიც კი ვერ შეიკრიბებოდნენ ერთად თუ სხვადასხვა მისამართებზე იყვნენ რეგისტირებულები. მაღაზიებში შესვლამდე, ყველგან გიზომავდნენ სიცხეს და იწერდნენ შენ ტელეფონს, რომ საჭიროების შემთვევაში ადვილად გაყოლოდნენ ვირუსის კვალს.

ეს ყველაფერი ხალხმა მიიღო. არ იყო პროტესტი, არ იყო უკმაყოფილება. სხვა გზა ნაკლებად ქონდათ თავიანთი წარსული გამოცდილებიდან გამომდინარე. მე ფსიქოლოგი ვარ და ვმუშაობ პერსონალის მართვის კუთხით. მენეჯმეტში არის მართვის სხვადასხვა სახეობები და ერთ-ერთი არის დირექტიული მართვა – ზოგჯერ ავტორიტარულ მართვას ეძახიან. ეს იმას ნიშნავს, რომ მართვის ამ სტილის დროს გადაწყვეტილებას ღებულობს ხელმძღვანელობა – რა დროსაც არ არის საშუალება ყველამ გამოთქვას მისი აზრი ან მოიქცეს ისე როგორც სურს.

 კრიზისის დროს აუცილებელია სწრაფი და ძალიან მკაფიო მოქმედება. არის დირექტივები რომლებიც უნდა შეასრულო. თუ ამას აკეთებს საზოგადოება, მას აქვს ძალიან კარგი შანსი თავი დაიძვრინოს კრიზისისგან. ამის ანტი მაგალითია იტალია, სადაც ხალხი დიდი ყურადღებით არ მოეკიდა მთავრობის რეკომენდაციებს და რითაც დამთავრდა ეს, ყველამ ვნახეთ. ჩინეთში სახელმწიფო იყო მკაცრი და კანონი კანონობდა ყველაზე. ბოლოს ისიც გავიგე თითქოს დახვრეტა შემოიღეს ვინც კარანტინს დაარღვევსო. ეს სიმკაცრე და ამდენი ავტორიტარიზმი არ გამოიყურება ჩვენთვის მიმზიდველად – ვგულისხმობ ქართველებს, მაგრამ ფაქტია, რომ ამან თავის საქმე გააკეთა. თუ საჭირო დროს საჭირო მართვის სტილს არჩევ, შედეგსაც შესაბამისს ღებულობ.

ეს უფრო მთავრობას ეხება რადგან, კრიზისის დროს მთავარი არის მთავრობის ძალიან მკაფიო და ორგანიზებული მოქმედება.

ჩვენი ფსიქოლოგიიდან გამომდინარე ცოტა რთულია ამ ყველაფრის მიღება რადგან ჩვენ ჩინეთი არ ვართ და არც უნდა ვიყოთ. თუმცა შეგვიძლია ვისწავლოთ რაღაცეები.

რომ შევაჯამოთ ეს ყველაფერი ვთქვათ, რომ ასეთ დროს მთავარი არის საზოგადოების და მთავრობის ერთიანობა და კოორდინირებული მოქმედება. რამდენადაც მარტივად ჟღერს, იმდენად რთულია ეს ყველაფერი ზოგი ხალხისთვის – ისევ იტალიას გავიხსენებ.

თუმცა ჩვენ ქართველები ვართ და არ ვართ იტალიელები. გარდა იმისა, რომ შეგვიძლია სხვების გამოცდილებაზე ვისწავლოთ, ჩვენ გვაქვს ბევრი ისეთი გამოცდილება რომელთა გაღვიძების შემთხვევაში შევძლებთ ბევრად წარმატებით გავართვათ თავი ამ სიტუაციას.

ავტორი:საბა ჩიხლაძე

Categories
პოზიტიური ამბები

პოზიტიური ამბები ჩვენი ქვეყნიდან

გილოცავთ ხარების ბრწყინვალე დღესასწაულს!

როგორ ფიქრობთ, რა არის ყველაზე სასიხარულო ამ მომეტში?

– რა თქმა უნდა ის პოზიტიური სტატისტიკა, რომელიც საქართველოში გვაქვს Covid19-ის პრევენციასთან მიმართებაში

– საქართველოში გვყავს მხოლოდ 195 ინფიცირებული, რაც გავრცელების თვალსაზრისით, ერთ-ერთი ყველაზე დაბალი მაჩვენებელია ევროპასა და ზოგადად მსოფლიოში.

– უკვე გვყავს 39 გამოჯანმრთელებული ადამიანი,და აქვე მივულოცავთ მთელს საქართველოს ამ წარმატებას.

– ქვეყანაში არ არსებობს საკვები პროდუქტების კრიზისი, რაც ასევე სასიამოვნო ფაქტია.

– ადამიანები ერთმანეთს ეხმარებიან და სიყვარულს უზიარებენ, ეს კი ნამდვილად საოცარია ამბავია. 

შესაბამისად შეგვიძლია ვთქვათ, რომ ჩვენ ერთიანობით გავიმარჯვებთ!

Categories
Uncategorized @ka

საქართველოში ხორბლის მარაგი შეივსო

Categories
Uncategorized @ka

ჩვენი გმირები – ექიმები შუაღამისას

ასე გამოიყურებიან პირველი საუნივერსიტეტო კლინიკის ექიმები შუაღამისას, როდესაც პაციენტებს გეგმიური შემოწმება დასრულდა.

01.04.2020-ის მონაცემებით საქართველოში კორონავირუსისგან სრულად უკვე 23 ადამიანი გამოჯანმრთელდა.

Categories
Uncategorized @ka

იტალიას ერთ დღეში 1590 გამოჯანმრთელებული ჰყავს

დღეს იტალიიდან პოზიტიური ინფორმაციები გავრცელდა! 31 მარტს ერთ დღეში გამოჯანმრთელებულების ყველაზე დიდი რაოდენობა, 1590 ადამიანი დაფიქსირდა. ასევე გასათვალისწინებელია ის ფაქტიც, რომ ბოლო კვირის განმავლობაში ყოველდღიურად იკლებს ახალი ინფიცირებულების რაოდენობა. ეს ფაქტი მიანიშნებს, თუ არა COVID19-ზე გამარჯვების დასაწყისს იტალიისთვის, ამას დრო გვაჩვენებს!

Categories
Uncategorized @ka

როგორ გავართოთ ბავშვი სახლში ყოფნის დროს

   როგორ გავხადოთ ბავშვებთან ერთად გატარებული დრო მხიარული, საინტერესო და პროდუქტიული? ამ კითხვაზე პასუხს ასეთი რეჟიმის პირობებში ბევრი მშობელი ეძებს. 

  მაშინ, როდესაც იშავიათად გვაქვს ჩვენს შვილებთან ყოფნის ფუფუნება,  შეგვიძლია დადებით ჭრილში შევხედოთ  მსოფლიო გამოწვევას და სიტუაცია გამოვიყენოთ დადებით კონტექსტში.

  ბავშვის ჰარმონიული განვითარებისთვის ერთნაირად აუცილებელია როგორც ფიზიკური აქტივობა, ასევე შემოქმედებითი აზროვნების განვითარება. თამაშის ფუნქცია არა მხოლოდ გართობა და სიამოვნების მიღებაა, არამედ ის ბავშვს საკუთარი პოტენციალის დანახვისა და თვითრეალიზების საშუალებას აძლევს. თამაშით ბავშვები სწავლობენ კვლევას, პრობლემის გადაჭრას. შემოქმედებითი აქტივობები ერთი მხრივ, პატარებს სამყაროს შეცნობაში ეხმარება, ხოლო მეორეს მხრივ  აერთიანებს და ამხიარულებს ოჯახის ყველა წევრს.

 სახლიდან გაუსვლელად შესაძლებელია მრავალი აქტივობის განხორციელება:

  • მარტივი ცეკვების დადგმა youtube-ს დახმარებით
  • სხვადასხვა სასარგებლო ვარჯიშის გაკეთება ბავშვთან ერთად
  • მოხატვა,ძერწვა და ხელსაქმე
  • კულინარიული თამაშები
  • პაზლები
  • პოეტობანა

ძველი თამაშების გახსენება კარგად აისახება ოჯახურ ურთიერთობებზე

  • ნამიოკობანა
  • ქალაქობანა
  • გაშეშობანა
  • დამალობანა

   ამ დროს, ბავშვის ნებისმიერი ინტერესი შეიძლება გამოყენებულ იქნას სხვადასხვა უნარის განსავითარებლად. მნიშვნელოვანია, რომ თამაშის დროს არ დაგვავიწყდეს მათი იდეებისა და აქტივობების შექება-წაახალისება.  

კონტრიბუტორი: ხომერიკი ელიკო

Categories
Uncategorized @ka

როგორ გამოვიყენოთ სახლში ყოფნის პერიოდი სასარგებლოდ?

შეუძლიებალია არსებობდეს ადამიანი,რომელსაც ერთხელ მაინც არ გადაუდია თავისი გეგმები თუ ოცნებეი ხვალისთვის, მაგრამ ეს ხვალ ჯერაც არ დამდგარა. და ალბათ არც არასდროს დადგებოდა რომ არა მსოფლიოში შექმნილი დღევანდელი ვითარება. 2020 წელს  კორონა ვისრუსმა უამრავი პრობლემა გამოიწვია და მსოფლიოს მოსახლეობის ნახევარზე მეტს სახლში დარჩენა უნწევს, მაგრამ ეს ყოველივე არ წარმოადგენს კატასტროფას, მონეტას ორი მხარე აქვსო ხომ გაგიგიათ, ამიტომ ჩვენი ჯგუფიც ფიქრობს, რომ კორონა ვისრუსის გამო სახლში დარჩენასაც აქვს დადებითი მხარეები. გარდა იმისა, რომ მონატრებული ოჯახი და ნანატრი შვებულება მივიღეთ, ამასთანვე შანსი მოგვეცა ის „ხვალინდელი გეგმები“  განვახოციელოთ, რომლისთვისაც ჯერ არ დამდგარა არც ის „ხვალ“ და არც ის „ორშაბათი“ ვარჯიშს, დიეტას თუ სახლის დალაგებას, რომ ვიწყებდით. ამ რუბრიკაში შემოგთავაზებთ იმ დამხმარე საშუალებებს(ვებსაიტებს, ვიდეობს, აპლიკაციებს და ა.შ.), რომელთა საშუალებითაც გადადებულ გემების განხორციელებას შეძლებთ სახლიდან გაუსვლელად და სახლში ყოფნის მოწყენილობას შეცვლით პროდუქტიული გართობით.

ინტერნეტში საუკეთესო მოცეკვავეების  ყურების  ან თუნდაც კოცერტზე დასწრების შემდეგ, ალბათ ერთხელ ყველას გაგვჩენია სურვილი ცეკვა გვესწავლა  და გვიფიქრია რატომაც არა, თუმცაღა მალევე დავიწყებას მიეცა ეს სურვილი. სწორედ ამ სურვილის გამოღვიძების დრო დადგა ახლა, დიახ ზუსტად ახლა, დიახ სახლიდან გაუსვლელად, თითქმის ყველას გვავქს შესაძლებლობა დისტანციურად ინტერნეტის დახმარებით შევისწავლოთ ნებისმიერი სტილის ცეკვა. ამიტომაც თქვენი საქმის გასამარტივებლად ჩვენ გავაკეთეთ ფლაილისთი youtube-ში, სადაც თავმოყრილია სხვადასხვა ცეკვის გაკვეთილები, ის შეგიძლიათ იპოვოთ  აი ამ ბმულზე:

.

ხოლო მათთვის, ვისაც ქართული ცეკვები იზიდავს, თეა დარჩიას ცეკვის სტუდია „თედასი“ გვთავაზობს ონალინ ცეკვის გაკვეთილებს youtube არხზე, რომელიც სრულიად ახალია და შექიმნა რათა COVID-19-ს ვებძოლოთ ცეკვით, და აი მათი გვერდის ბმულიც:

https://www.youtube.com/channel/UCK1P827ka9afn2UhzEudlIg

ასევე, მათ საყურადღებოდ ვინც გიტარაზე, პიანინოზე თუ სხვა ინსტრუმენტზე დაკვრა გადადეთ შემდეგი კვირისთვის, ან თუნდც ხატვის შესწავლა  გინდოდათ მთელი ბავშობა, მაგრამ ამისთვის დრო არასდროს გქონდათ და ყოველ ჯერზე ხატვის გაკვეთილებს შემდეგ კვირაში ისტუმრებდით, მინდა გაგახარათ, რომ სწორედ ეს კვირები დაგვიდგა, მეგობრებო და გთავაზობთ ბმულებს სადაც შეძლებთ თვქენი მივიწყებული სურვილის ასრულებას და სახლში ყოფნის დღეების გახალისებას:

ხატვის დამწყები გაკვეთილებისათვის მიმართეთ –

გიტარაზე დაკვირსთვის მიმართეთ –

პიანინოს მოყვარულებმა მიმართეთ –

თუ თქვენი ინტერესი არც გიტარაა, არც პიანინო, მაგრამ სხვა ინსტრუმენტია მინდა გაგახაროთ და გითხრათ, რომ მსგავსი ძალიან ბევრი ვიდეოს ნახვა შეგიძლიათ youtube-ში.

„ორშაბათიდან ვიწყებ ვარჯიშს“ ეს ის ცნობილი ფრაზა ერხელ ყველა ადამიანს რომ უთქვამს და მათთვის ვისთვისაც ეს ორშაბათი ჯერ ისევ არ დამდგარა შეგიძლიათ გამოიყენოთ COVID-19-ით გამოწვეული დასვენება პოზიტურად  და თქვენი სხეული ტონუსში მოიყვანოთ ვარჯიშებითა თუ ჯანსაღი დიეტებით, თანაც ზაფხულს უკვე მშვენიერ ფორმაში შეხვდებით. სახლში ვარჯიშისათვის გთავაზობთ  რამდენიმე ვიდეოს, რომელიც ქვემოთ მოცემულ ბმულზე შეგიძლიათ იხილოთ:

სახლში დარჩენის აუცილებლობამ შესაძლებლობა მოგვცა დისტანციური სწავლების მეთოდის გამოცდილებაც დაგვეგროვებინა, ბევრის ეს წარმოუდგენლად მოგეჩვენებათ, მაგრამ სახლიდან გასუვლელად უცხო ენების შესწავლაც შესაძლებელია, სულაც აღარ არის საჭირო რეპეტოტორთან სიარული, ციფრულ სამყაროში ეს უკვე მრავალი აპლიკაციით და ვებგვერდითაა შესაძლებელი, მაგალითად ერთ-ერთი ქართული ვებსაიტი “lingwing.com“ შესაძლებლობას გვაძლევს ვისწავლოთ დისტანციურად ნებისმიერი ენა ყველასათვის მოსახერხებელ ფასად. ხოლო მათთვის ვინ ინლისურთან მეგობრობთ საუკეთესო საშუალებაა “dullingo.com”, რომელსაც იგივე სახელწოდების აპლიკაცაც აქვს სმარტფონებისათვის და საშუალებას აძლევს მომხმარებელს სრულიად უფასოდ შეისწავლონ მათთვის საინტერესო ენა. ასე, რომ თუ ენების შესწავლა თქვენი სამომავლო გეგმა იყო, მაგრამ ფიქრობდით, კორონა ვირუსის გავრცელებამ თქვენი ოცნება შეაფერხა, ძალიან ცდებით, თქვენ სახლიდან გაუსვლელად, თქვენივე მობილურიდან შეგიძლიათ შეისწავლოთ თქვენითვის საინტერესო ენა, ხომ გაგიგიათ რამდენი ენაც იცი იმდენი კაცი ხარო, ამიტომაც შეგვიძლია ერთი და ორი კაცის მაგივრად უფრო მეტი გავხდეთ და მარტოობის მოწყენილობაც გაივლის. ამასთანავე, აღსანიშნავია, ონლაინ სწავლების მრავალი პლათფორმაც, რომელიც საშუალებას აძლევს ყველას შეისწავლოს მისთვის საინტერესო ნებისმიერი კურსი უფასოდ, ფასიანი მხოლოდ სერთიფიკატის აღებაა, ასეთი პლათფორმებია: „Alison.com”, “Udemy.com, “EDX.org” -სადაც ისეთი აკრედიტებული უნივერსიტეტების კურსების გავლაა შესაძლებელი, როგორიცაა ოქსფორდი, ჰარვარდი მსაჩუსეტსის და სხვა. ერთადერთი მინუსი ამ პლატფორმების ისაა, რომ ქართულად სწავლება არ არის შესაძლებელი.

რაც შეეხება მათ ვინც წიგნების კითხვით თავის გართობა გადაწყვიტეს,  მაგრამ თავიანი წიგნების ლიმიტი ამოწურეს ან ყიდვა ვერ მოასწრეს, ქართული ელექტრონული წიგნების პლათფორმა „საბა“ არსებული ვითარების გამო  მოსახლეობას აძლევს უპრეცედენტო საშუალებას, ჰქონდეს უფასო წვდომა თავის მთელ ბიბლიოთეკაზე ერთი თვით. ასე და ამგვარად მთელი წელი რომ ვწუწუნებით სახლში გვინდაო, როგორც ჩანს ეს ოცნებაც აგვიხდა, ამიტომაც  ნუ მოიწყენთ, გავიხალისოთ სახლში ყოფნის მშვენიერი დღეები. #დარჩისახლში

კონტრიბუტორი:თათია ჭიკაძე

Covid19-სგან მსოფლიოს მასშტაბით 100 000 ადამიანი განიკურნა

worldometers- ის ინფორმაციით მსოფლიოში COVID19-ისგან უკვე 100 000- ზე მეტი ადამიანი გამოჯანმრთელდა!

აღნიშნული სტატისტიკის კიდევ უფრო გასაზრდელად აუცილებელია დავიცვათ ყველა ის წესი, რაზეც მსოფლიო ჯანდაცვის ორგანიზაცია მოგვიწოდებს!

#დარჩისახლში

Categories
Uncategorized @ka

საქართველოში უკვე 8 გამოჯანმრთელებულია

საქართველოში კორონავირუსით ინფიცირებული კიდევ რამდენიმე პაციენტი გამოჯანმრთელდა.

ამის შესახებ ინფექციური საავადმყოფოს ბოქსირებული განყოფილების ხელმძღვანელმა მარინა ენდელაძემ „გიორგი თარგამაძის ფორმულაში“ განაცხადა.

მისი თქმით, დღეს ლუგარის ლაბორატორიიდან კიდევ 5 უარყოფითი პასუხი მიიღეს.

„ზოგადი მდგომარეობა ჯერჯერობით არ შეცვლილა, მაგრამ ბოლო დღეებში არის უფრო მატება ახალი შემთხვევების. იმედი მაქვს, მიღებული ღონისძიებები, შედეგს მოგვცემს. პირველი სასიხარულო ამბავი ის მინდა გითხრათ, რომ 2 პაციენტი დღეს კიდევ გავწერეთ. გარდა ამისა, ცოტა ხნის წინ მივიღეთ ინფორმაცია, რომ დაგვემატა ახალი გამოჯანმრთელებულები. შეიძლება ხვალ ყველა ვერ გავწეროთ, ალბათ რამდენიმე დატოვებს კლინიკას, თუმცა შემიძლია გითხრათ, რომ დღეს მივიღეთ 5 უარყოფითი პასუხი“, – განაცხადა მარინა ენდელაძემ.

მან ასევე აღნიშნა, რომ ერთ-ერთი პაციენტის მდგომარეობა, რომელიც უკვე გამოჯანმრთელდა, ინფიცირების პერიოდში ძალიან მძიმე იყო და არსებობდა რისკი, რომ შემთხვევა ფატალურად დამთავრებულიყო.

„ჩვენ ვაცხადებდით მაინც უფრო მსუბუქად, ისეთი სახით გვინდოდა მიგვეწოდებინა საზოგადოებისთვის, რომ საშინელი პანიკა და შიში არ დათესილიყო, მაგრამ ამ გამოჯანმრთელებულებში ერთ-ერთი ძალიან მძიმედ იყო, ძალიან გვეშინოდა, რომ ცუდი პროგნოზით დამთავრდებოდა. ახლაც გვყავს მძიმე პაციენტები, საყურადღებო, დინამიკაში დასაკვირვებელი. მოგეხსენებათ, მაგალითად გრიპის შემთხვევაში, სიმპტომები ყველაფერი ერთად ვლინდება, ამ ვირუსის შემთხვევაში ეს ასე არ არის, იწყება და დინამიკაში თანდათან მატულობს სიმტპომატიკა. შეიძლება ისე დამძიმდეს მსუბუქად დაწყებული პაციენტის მდგომარეობა, რომ ფატალური შედეგიც დადგეს“, – განაცხადა მარინა ენდელაძემ. 

შეგახსენებთ, ბოლო მონაცემებით, ინფიცირების 54 შემთხვევაა დაფიქსირებული. კარანტინის რეჟიმში 3254 მოქალაქეა, ხოლო სტაციონარში მეთვალყურეობის ქვეშ – 233.

წყარო : formulanews.ge

Categories
Uncategorized @ka

იტალიას ბოლო 24 საათში 1378 ახალშობილი ჰყავს.

დღეს იტალიის გაგონებაზე ყველ ნეგატიური ინფორმაციის მოსმენას ველოდებით…

COV19-მა ქვეყანაში ნამდვილად რთული სიტუაცია შექმნა, თუმცა არსებობს სხვადასხვა ფაქტები, რომელიც უკეთესობის მოლოდინს გვიქმნის და იმედის ნაპერწკალით გვავსებს.

რა შეიძლება იყოს ასეთ დროს იმაზე უფრო სასიხარულო, როგორც ახალი სიცოცხლის დაბადებაა.

გუშინდელი დღე-ღამის განმავლობაში იტალიაში 1378 ბავშვი დაიბადა, რაც ზოგადი სტატისტიკის მიხედვით მნიშვნელოვანი სიდიდის რიცხვია.

იმედი ვიქონიოთ იტალიაში მოვლენები სულ მალე დასტაბილურდება და ეს პოზიტიური სტატისტიკა იქნება ამის საწინდარი.